《討論區的讀者提問》L Magazine專欄－溝理

這是之前我在某討論區，一網友跟我分享的個案，我給予了一些意見。

「係咁的，我喺大學識左個隔離系的女仔， 佢份人幾nice的咁都有send下sms咁，時多時小。最近本人鼓起勇氣約佢出黎睇戲，並相約佢晚飯。

這是相約的情況:

背景: 之前佢講開睇戲d野，咁我緊係打蛇隨棍上啦

我： 岩岩考完試，我想睇"sherlock holmes" wo，你有冇興趣呀?

她：有呀!!!!

我：我都係呀! 不如放假一齊睇啦 !!

她：但係已經上左戲好耐啦wo，我唔覺得仲有得做lo

我：哎呀!!

她：傻仔xdd

我：我岩岩check過黎， xx戲院仲有wo!

她：真係!?

我：係呀!!

我：不如星期X啦， xx戲院 x pm

她：果日我下午要學野wo，我估我趕得切掛

她：應該得ge

我：咁我去買飛啦wo

她：淨係我地去睇會唔會好怪呀? 哈哈

我：咁你有冇人想叫呀?

她：我諗唔到呀..

我：咁你咪驚同我出街呀?

她；我唔知呀，哈哈 應該冇問題的xdd

我：咁不如試下一次先啦， 如果真係怪的，先叫埋其他人

她：哈哈，好的!

果日

我早左20mins到去左xx戲院， 到得返15mins開場， 我打比佢問佢o係邊，佢話學野遲左走， 宜家黎緊。結果佢遲左10mins先黎到，呢個時間我當然買定哂野食野飲啦，佢咁急趕黎一定口乾。

咁一齊睇啦， 一開波果陣佢問下我電影d野，之後掛住睇， 我耐唔耐都有同佢講返句的，我全程拎住個爆谷筒方便比佢拎黎食

咁睇完啦， 我問左佢真係唔可以一齊食dinner? (事前佢一早講左要回家食)

佢話係呀， 咁我都無謂強人所難啦， 之後咪送佢去搭巴士， 路途中都有傾計，冇乜dead air

上到車佢都有sms我， 話今日套戲好正， 安全回家之類的說話

我覺得成個過程都ok啦，我同佢識得果3個月到以上係我的sharing，有咩意見不妨提出。」

朋友，既然你這麼有誠意地點名發問，那我亦直接地告訴你這過程絕不“ok”，因為你犯了很多明顯的過失。

第一，你認識這個女生三個月才約她，實在「擺」得太耐 ，你能成功溝到她的機會已經大大地降低。其實溝女有所謂「黃金時間」，是指與女性相處的絶對時間，也是最有效率的時間。每個人的黃金時間也不同，受著功力影響，功力越高者時間越長。在這段時間內，你對女性的吸引力是最高的，當超出這個黃金時間 ， 你對她的吸引力便會開始下降(平常我說「擺得太耐」，就是指超過了這個黃金時間)。 很多男性不懂得把握突破關係的時刻，常常讓女性等得太久。如果跟女性處於朋友關係太耐，女性是會不想跟你成為情侶的。她們會這樣想：「其實現在的關係廷好丫，如果再進一步，可能第時會連朋友都冇得做，咁不如維持而家咁啦。」所以基本上你越擺得耐，你的成功率越低。

第二，在未跟她進入一段穩定的關係時，請不要約她去睇戲 。我非常不建議男性在溝緊個女仔的階段約去睇戲，你們在戲院裏純粹只是困在一起，並沒有交流，你沒有機會展示你的價值，她也沒有「投資」什麼到這段關係裏，白白浪費了寶貴的黃金時間。

第三，由「淨係我地去睇會唔會好怪呀?」 至「咁不如試下一次先啦，如果真係怪的， 先叫埋其他人」這段對話，你拖得太長，感覺你是希望刻意營造曖昧的氣紛，但卻適得其反，只營造了尷尬的感覺，很容易令她「縮沙」。其實可以講句「一個人睇仲怪」結束了這段對話，跟着馬上轉換話題。

第四，由「果日，我早左20mins到去左xx戲院」至「我全程拎住個爆谷筒方便比佢拎黎食」，你的表現非常低姿態，活脫脫是一個觀音兵，嚴重地展示低價值。你應該讓她自己拿著爆谷筒。

第五，如果你們之前已經討論過是否一起吃飯的問題，請不要再問，因為那會使你表現得很「into」她，這又是一個觀音兵的所為，嚴重地展示低價值。

第六，如果不是太晚，沒有必要送她。如果很晚，你送她的行為是因為你考慮到客觀的安全問題，這可以表現你的關顧及紳士風度；但如果不是太晚，那只會表現你想見她久一點，這又是觀音兵的行為。老實說，並沒有這個需要，純粹是你因為好似飾演了護花使者，自己內心感覺良好吧。

第七，不要這麼多SMS，這又是一展示低價值的行為，詳見溝理《Phone Game》。

PS   請不要在睇緊戲時傾計，好冇公德心，而且這確實是展示低價值的行為。


The Pickup Artist - Miracle

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.